'మనోః' వాంఛ ఫల సిద్ధిరస్తు....!

-

                "Mind.... the world's greatest weapon"

జలాన్ని మేఘాలు ఆకర్షిస్తాయి. కొండలు వృక్షాలు మేఘాలను ఆకర్షిస్తాయి. మేఘాలు వర్షిస్తే ప్రతి చిరుకును భూమి ఆకర్షిస్తుంది. పుడమి చేరిన నీటి చుక్క మట్టికి పదును పెంచి మొక్కలు వృక్షాలు పెరిగేలా చేస్తుంది. ఇది ఒక ప్రాకృతిక ధర్మం.... వీటి ధర్మాలు వేరుగా ఉన్నా అన్నింటిలో సాధారణంగా కనిపించేది ఆకర్షణ.. ఆ ఆకర్షణకు విశ్వాన్ని నడిపించే శక్తి ఉంది. అందుకే ఏ ఆధారం లేకుండా విశ్వం శూన్యంలో స్థిరంగా ఉంది. ఈ భావనను అర్థం చేసుకునే ప్రయత్నం చేస్తే ఆకర్షణ ప్రతి దగ్గర తన శక్తిని చూపుతూనే ఉంటుంది.  ప్రకృతైన..జీవజాలమైన.. ఈ ఆకర్షణకు లోబడే జీవనయానాన్ని సాగిస్తూ ఉంటాయి.

     సమాజంలో ఉండే జీవరాశులన్నింటిలోనూ బ్రతికేందుకు అవసరమైన తెలివితేటలు ఉన్నాయి.  తన ఆహారం కోసం జింక కన్నా వేగంగా చిరుత పరిగెత్తితే.... తన ప్రాణం కోసం జింక మెరుపు వేగాన్ని చూపుతుంది. చిరుత , జింకల్లోని ఆ వేగం ఎక్కడి నుంచి వచ్చాయో ఆలోచిస్తే ఓ విషయంపై స్పష్టత వస్తుంది. అదే మేధస్సు.....

    మనిషి సహజంగా శారీరకంగా బలహీనుడు... చిరుత వంటి వేగం.. ఏనుగు వంటి బలం.. ఎలుక వంటి గ్రహణ శక్తి.. డేగ వంటి చూపు..  తనకి లేకపోయినా మేదస్సుతో సృష్టిపై ఆధిపత్యాన్ని చలాయించగలుగుతున్నాడు మనిషి.. 

    మెదడు పలు ఆలోచనలకు కేంద్రం ఆ ఆలోచనలలోతు ఎంత ఉంటుందంటే సముద్రపు లోతు సైతం ఈ లోతుకు సరికాదు. ప్రతిరోజూ సహజంగా జరిగే ప్రక్రియలు అన్నింటికీ మెదడు స్వతః సిద్దంగా స్పందిస్తుంది.

    మనిషి ఆశలు ఎంతో గంభీరంగా ఉంటాయి. ఆ ఆశలను తీర్చుకునేందుకు ఒక్కోసారి ఎంతగానో ప్రయత్నించాల్సి ఉంటుంది. కొందరికి పెద్దపెద్ద ఆశలు ఇట్టే తీరిపోతాయి. అవి ఎలా సాధ్యం..? ప్రతి ఒక్కరి మెదడులో నిగూఢంగా రెండు పొరలు ఉంటాయి. ఒకటి..రోజువారీ వ్యవహారాల ఆలోచనలకు తగినట్టుగా పనిచేస్తే...  మరొకటి అంతర్లీనంగా ఉంటుంది. ఇదే సబ్ కాన్షియస్ మైండ్.. ప్రతి వ్యక్తిలోనూ ఇది ఉంటుంది. చిన్ననాటి నుండి తన ఆలోచనలు, ఆశలు అంతర్లీనంగా ఉండిపోవడంతో సబ్ కాన్షియస్ మైండ్ లో నిలిచిపోతాయి.


      సబ్ కాన్షియస్ మైండ్ కి, విశ్వానికి ఎంతో అనుకూల సంబంధాలు ఉంటాయి. మనసులో ఏదైనా గట్టిగా అనుకుంటే అట్టే జరిగిపోతుంది. దీనికి కారణం అనుకూల విశ్వాసం... సబ్ కాన్షియస్ మైండ్ లో మనం ఏదైనా తీవ్రంగా కోరుకొని ఆ విషయాన్ని ప్రకృతికి తెలియజేస్తే ప్రకృతి స్పందించి మన అంతర్లీన ఆలోచనలకు అనుగుణంగా పనిచేస్తుంది. 

     సాధారణంగా ఏదైనా ఒక వస్తువును, ఒక వాహనాన్ని, ఒక వ్యక్తిని ఇష్టపడితే ఇష్టం స్థాయిని బట్టి దాదాపుగా ఆయా వస్తువులు లేదా వాహనాలు కనిపిస్తూనే ఉంటాయి. నిత్యజీవనంలో అవి ఉన్నప్పటికీ సబ్ కాన్షియస్ మైండ్ శక్తి వల్ల మన కంటికి అవి ప్రత్యేకంగా కనిపిస్తుంటాయి. దీనిని గుర్తించవచ్చు.... అయితే వాటిని మనం సొంతం చేసుకోవాలనే ఆలోచన కోరిక ఎంత తీవ్రంగా ఉంటే మన కోరికలు అంత త్వరగా తీరేలా ప్రకృతి సహకరిస్తుంది. వీటన్నింటికీ నడుమ ఉండేది ఆకర్షణ దీనిని గుర్తించగలిగినప్పుడు సబ్ కాన్షియస్ మైండ్ కి  విశ్వానికి మధ్య ఆకర్షణను ప్రేరేపిస్తే చాలు...  దీనికి చేయవలసిందల్లా బలంగా కోరుకోవడమే......!

                                                                                                              -  విరించిక

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

రామ మార్గమే .. రామాయణం

-
చిత్రం
శ్రీరామ రామ రామేతి  రమే రామే మనోరమే సహస్ర నామ తత్తుల్యం  రామనామ వరాననే..    ఈ శ్లోకాన్ని మూడు సార్లు  పఠించినంతనే... విష్ణు సహస్రనామ ఫలితం లభిస్తుందని  పెద్దలు సూచిస్తారు. వాల్మికి 'మరా'.. శబ్దాన్ని మననం చేస్తుండగా.. రామశబ్ధం ఉద్భవించిందని  నమ్మకం.. శ్రీరామ అని పలికినంతనే.. సర్వపాపాలు తొలగుతాయని..  విశ్వాసం.. మానవుడిగా    జన్మించిన రాముడు.. వ్యక్తి ఎలా జీవించాలో.. రాజు ఎలా ఉండాలో.. సూచించిన  మార్గమే...  రామాయణం...  ఈ పదాన్ని పూర్తిగా ఇలా రాయాలి... రామ ఆయనం... అంటే రాముని   ప్రయాణం అని..        అయోధ్య రాజైన దశరథునికి కౌసల్య, సుమిత్ర, కైకయి అను ముగ్గురు భార్యలు .. వారి వల్ల కౌసల్యకు రాముడు,  సుమిత్రకు లక్ష్మణుడు, శతృఘ్నడు, కైకేయికి భరతుడు జన్మించారు.  సకల విద్యలో వారు ఆరితేరారు...        విశ్వామిత్రుని యాగ సంరక్షణ కోసం..ఆయన  వెంట రామలక్ష్మణులు వెళ్లి  తాటక సంహారం, సుబాహు వధ.. చేశారు.. మిథిలానగరంలో ఎందరో యోధల గర్వం సర్వాన్ని హరించిన..  శ...
మరింత చదవండి

ఆధ్యాత్మిక వైభవం.... పోలేరమ్మ జాతర

-
చిత్రం
ఉ మ్మడి నెల్లూరు జిల్లా... నేటి తిరుపతి జిల్లాలో జరిగే విశిష్టమైన ఉత్సవాల్లో  పోలేరమ్మ జాతర కూడా ఒకటి.... అమ్మా అని పిలిచినంతనే.... పలికే దేవతగా పోలేరమ్మ ప్రసిద్ధం.... పిలిచిన ప‌లికే దేవ‌త‌గా పూజ‌లందుకుంటున్న అమ్మ‌ వారికి సాంప్ర‌దాయంగా ఏటా జరుపుకొనే జాతరే....  పోలేరమ్మ జాతర.... వెంక‌ట‌గిరి గ్రామ శ‌క్తి పోలేర‌మ్మ జాత‌ర 17వ శ‌తాబ్ధం నుంచి జ‌రుగుతున్న ఇప్ప‌టికీ  త‌న ప్రాశ‌స్త్యాన్ని అలానే కొన‌సాగిస్తోంది.. 1717  వెంకటగిరి పట్టణంలో కలరా వ్యాప్తి చెందింది..  అప్పటి నుంచి రాజాలు శీతల యాగాన్ని జరిపించారు... అనంతరం అష్టదిగ్బంధనం చేసి  యంత్రాలను ప్రతిష్టించారు. అప్పటి నుంచి పోలేరమ్మ జాతరను నిర్వహించారు..నాటి నుంచి  జాతర నిర్విరామంగా ప్రతి యేడాది సాగుతోంది.   వినాయక చవితి వెళ్లిన మూడవ బుధ , గురువారాల్లో అమ్మవారి జాతర జరుగుతోంది.  వినాయక చవితి ముగిసిన తొలి బుధ వారం రాత్రి తొలి చాటింపు వేస్తారు.  రెండు బుధవారం  మలి చాటింపు వేస్తారు. ఈ చాటింపు బయటివారు విన్నా... చాటింపు తర్వాత గ్రామంలో నిదుర  చేసినా వారు తప్పక జాతరలో పాల్గొనాల...
మరింత చదవండి