నారీ శక్తికి రిజర్వేషనా..?

-

 


స్త్రీ... ఈ అక్షరంలో విశ్వం... దాగుంది... త్రిగుణాత్మకమైన... ఈ రూపం... సాక్ష్యాత్తు అమ్మవారి స్వరూపమే...  కానీ మహిళను కేవలంగా చూసే... కొందరికి...  నారీశక్తి  గురించి తెలియకపోవడం..సహజం...

   ఎక్కడైనా ఒకటి కన్నా ఎక్కువ పనులను చేసేవారిని బహుముఖ ప్రజ్ఞాశాలి.. అంటాం.. 
అలా చూస్తే ప్రతి మహిళా బహుముఖ ప్రజ్ఞాశాలే... ఉదయం లేచినప్పటి నుంచి కుటుంబాన్ని.. సమాజాన్ని సమైక్యంగా ... సమర్ధంగా నడిపిస్తూ ఉంటుంది.. పురుషుడు చేయలేని పనులను సైతం అవలీలగా చేసి.. శక్తికి మరో రూపంగా  నిలుస్తుంది..


     అందుకే పురాణాల్లో అమ్మవారిని సర్వశక్తి స్వరూపంగా పూజిస్తారు.. సాక్ష్యాత్తు లోకపాలకులైన 
త్రిమూర్తులకు జన్మని.. శక్తిని ఇచ్చిన అమ్మవారు జగజ్జనని అంటే ఆశ్చర్యం కాదు....
సాధారణ కుటుంబం నుంచి .. అసాధారణ కార్పొరేట్ కంపెనీల వరకు మహిళలు  సునాయాసంగా 
నడపగలరు....

   ఆకాశంలో సగమని అంటూనే.. మహిళలను అధః పాతాళానికి అణిచివేసేది పురుషజాతి.. 
తల్లిగా... చెల్లిగా... ప్రియురాలిగా... బిడ్డగా... స్నేహితురాలిగా.. ఎన్నో బాధ్యతలను మోసే పడతి..  
కేవలం వంటింటికే  పరిమితం అయ్యే స్థితి నుంచి..  ఆకాశ తీరాలను సైతం సునాయాసంగా  ఛేదించే స్థాయికి చేరింది...

              యత్ర నార్యంతు పూజ్యంతే రమంతే తత్రదేవతా.. అనేది ఆర్యోక్తి...

  దీని భావం ఎక్కడ మహిళ పూజించబడుతుందో.. అక్కడ దేవతలు సంతోషిస్తారని అర్ధం.. కానీ నేటి సమాజం ఆ ఆర్యోక్తి కి  భిన్నంగా  వెళుతోంది..

  మహిళలు పురుషులతో సమానం అని పేర్కొనే వారు సైతం.. తమ వరకు వచ్చే సరికి మహిళలను కాస్తంత తక్కువ సమానంగా చూస్తారనడంలో ఎటువంటి సందేహం ఉండదనుకుంటా.. 

   ఢిల్లీలో నూతనంగా ప్రారంభమైన కర్తవ్య పథ్ లో మహిళా రిజర్వేషన్ బిల్లుకు ఆమోద ముద్ర పడింది..  ప్రస్తుతం లోక్ సభలో 542 మంది సభ్యులు ఉండగా.. 78 మంది మహిళలు ఉన్నారు. రాజ్యసభలో 224 మంది సభ్యులు ఉండగా.. 24 మంది మాత్రమే మహిళలు..

   మూడు దశాబ్దాలుగా నలుగుతున్న  మహిళా రిజర్వేషన్ బిల్లుకు ఎట్టకేలకు మోక్షం లభించింది. లోక్ సభ, రాష్ట్రాల శాసన సభల్లో 2029 ఎన్నికల నుంచి  అమలు కానుంది.  ఈ బిల్లు ఇప్పుడు ఆమోదం పొందినా...2027లో జనగణన జరిగిన తర్వాత మాత్రమే అమలుకానుంది... జనగణన తర్వాత 239 ఏ ఏ, 330 ఏ, 332 ఏ నిబంధనల మేరకు లోక్ సభ , రాష్ట్ర శాసన సభ, దేశరాజధాని ఢిల్లీ అసెంబ్లీలో మహిళలకు రిజర్వు చేసిన సీట్లు పార్లమెంట్ చట్టం ఆమోదంలో ఉన్నంత వరకు కొనసాగుతాయి...సార్వత్రిక ఎన్నికలు జరిగిన ప్రతీసారి సదరు రిజర్వుడు స్థానాల్లో మార్పులు జరుగుతూనే ఉంటాయి...

అసలు నాకు అర్ధం కాని విషయం.. స్త్రీ లేని సమాజాన్ని ఊహించడం కష్టం.. కానీ రిజర్వేషన్  33 శాతం మాత్రమే....

అసలు మహిళలకు రిజర్వేషన్ కల్పించే స్థాయి  ఎవరిదో..... 

మహిళా రిజర్వేషన్ బిల్లుకు కూడా వ్యతిరేక ఓటు వేశారంటే.... వారి ఆలోచనల్లో పురుషాధీక్యత స్థాయి ఎంత ఉందో అర్ధం అవుతుంది.

                                                                                      - విరించిక

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

రామ మార్గమే .. రామాయణం

-
చిత్రం
శ్రీరామ రామ రామేతి  రమే రామే మనోరమే సహస్ర నామ తత్తుల్యం  రామనామ వరాననే..    ఈ శ్లోకాన్ని మూడు సార్లు  పఠించినంతనే... విష్ణు సహస్రనామ ఫలితం లభిస్తుందని  పెద్దలు సూచిస్తారు. వాల్మికి 'మరా'.. శబ్దాన్ని మననం చేస్తుండగా.. రామశబ్ధం ఉద్భవించిందని  నమ్మకం.. శ్రీరామ అని పలికినంతనే.. సర్వపాపాలు తొలగుతాయని..  విశ్వాసం.. మానవుడిగా    జన్మించిన రాముడు.. వ్యక్తి ఎలా జీవించాలో.. రాజు ఎలా ఉండాలో.. సూచించిన  మార్గమే...  రామాయణం...  ఈ పదాన్ని పూర్తిగా ఇలా రాయాలి... రామ ఆయనం... అంటే రాముని   ప్రయాణం అని..        అయోధ్య రాజైన దశరథునికి కౌసల్య, సుమిత్ర, కైకయి అను ముగ్గురు భార్యలు .. వారి వల్ల కౌసల్యకు రాముడు,  సుమిత్రకు లక్ష్మణుడు, శతృఘ్నడు, కైకేయికి భరతుడు జన్మించారు.  సకల విద్యలో వారు ఆరితేరారు...        విశ్వామిత్రుని యాగ సంరక్షణ కోసం..ఆయన  వెంట రామలక్ష్మణులు వెళ్లి  తాటక సంహారం, సుబాహు వధ.. చేశారు.. మిథిలానగరంలో ఎందరో యోధల గర్వం సర్వాన్ని హరించిన..  శ...
మరింత చదవండి

ఆధ్యాత్మిక వైభవం.... పోలేరమ్మ జాతర

-
చిత్రం
ఉ మ్మడి నెల్లూరు జిల్లా... నేటి తిరుపతి జిల్లాలో జరిగే విశిష్టమైన ఉత్సవాల్లో  పోలేరమ్మ జాతర కూడా ఒకటి.... అమ్మా అని పిలిచినంతనే.... పలికే దేవతగా పోలేరమ్మ ప్రసిద్ధం.... పిలిచిన ప‌లికే దేవ‌త‌గా పూజ‌లందుకుంటున్న అమ్మ‌ వారికి సాంప్ర‌దాయంగా ఏటా జరుపుకొనే జాతరే....  పోలేరమ్మ జాతర.... వెంక‌ట‌గిరి గ్రామ శ‌క్తి పోలేర‌మ్మ జాత‌ర 17వ శ‌తాబ్ధం నుంచి జ‌రుగుతున్న ఇప్ప‌టికీ  త‌న ప్రాశ‌స్త్యాన్ని అలానే కొన‌సాగిస్తోంది.. 1717  వెంకటగిరి పట్టణంలో కలరా వ్యాప్తి చెందింది..  అప్పటి నుంచి రాజాలు శీతల యాగాన్ని జరిపించారు... అనంతరం అష్టదిగ్బంధనం చేసి  యంత్రాలను ప్రతిష్టించారు. అప్పటి నుంచి పోలేరమ్మ జాతరను నిర్వహించారు..నాటి నుంచి  జాతర నిర్విరామంగా ప్రతి యేడాది సాగుతోంది.   వినాయక చవితి వెళ్లిన మూడవ బుధ , గురువారాల్లో అమ్మవారి జాతర జరుగుతోంది.  వినాయక చవితి ముగిసిన తొలి బుధ వారం రాత్రి తొలి చాటింపు వేస్తారు.  రెండు బుధవారం  మలి చాటింపు వేస్తారు. ఈ చాటింపు బయటివారు విన్నా... చాటింపు తర్వాత గ్రామంలో నిదుర  చేసినా వారు తప్పక జాతరలో పాల్గొనాల...
మరింత చదవండి

'మనోః' వాంఛ ఫల సిద్ధిరస్తు....!

-
చిత్రం
                 "Mind.... the world's greatest weapon" జ లాన్ని మేఘాలు ఆకర్షిస్తాయి. కొండలు వృక్షాలు మేఘాలను ఆకర్షిస్తాయి. మేఘాలు వర్షిస్తే ప్రతి చిరుకును భూమి ఆకర్షిస్తుంది. పుడమి చేరిన నీటి చుక్క మట్టికి పదును పెంచి మొక్కలు వృక్షాలు పెరిగేలా చేస్తుంది. ఇది ఒక ప్రాకృతిక ధర్మం.... వీటి ధర్మాలు వేరుగా ఉన్నా అన్నింటిలో సాధారణంగా కనిపించేది ఆకర్షణ.. ఆ ఆకర్షణకు విశ్వాన్ని నడిపించే శక్తి ఉంది. అందుకే ఏ ఆధారం లేకుండా విశ్వం శూన్యంలో స్థిరంగా ఉంది. ఈ భావనను అర్థం చేసుకునే ప్రయత్నం చేస్తే ఆకర్షణ ప్రతి దగ్గర తన శక్తిని చూపుతూనే ఉంటుంది.   ప్రకృతైన.. జీవజాలమైన.. ఈ ఆకర్షణకు లోబడే జీవనయానాన్ని సాగిస్తూ ఉంటాయి.      సమాజంలో ఉండే జీవరాశులన్నింటిలోనూ బ్రతికేందుకు అవసరమైన తెలివితేటలు ఉన్నాయి.  తన ఆహారం కోసం జింక కన్నా వేగంగా చిరుత పరిగెత్తితే.... తన ప్రాణం కోసం జింక మెరుపు వేగాన్ని చూపుతుంది. చిరుత , జింకల్లోని ఆ వేగం ఎక్కడి నుంచి వచ్చాయో ఆలోచిస్తే ఓ విషయంపై స్పష్టత వస్తుంది. అదే మేధస్సు.....     మనిషి సహజంగ...
మరింత చదవండి